Sveçla priti në takim ambasadorin e ri të Shqipërisë, Petrit Malaj

13:59 | 14 Nëntor 2023
K.B

Ministri i Punëve të Brendshme, Xhelal Sveçla priti në takim njoftues ambasadorin e Republikës së Shqipërisë, Petrit Malaj.

Fillimisht ministri Sveçla e uroi Malaj për emërimin e tij për postin e ambasadorit të Republikës së Shqipërisë në Kosovë.

Në komunikatën për media nga kjo Ministri thuhet se në këtë takim u diskutua për marrëdhëniet e mira ndërmjet dy vendeve që do të vazhdojnë edhe më tutje, për zbatueshmërinë e marrëveshjeve të nënshkruara mes institucioneve të rendit dhe sigurisë mes dy vendeve e në veçanti për thellimin e mëtejmë të këtij bashkëpunimi.

Në fund të takimit ministri Sveçla dhe ambasadori Malaj u dakorduan për angazhim të mëtejmë në avancimin e politikave në shërbim të rendit, ligjit dhe qytetarëve të vendeve tona./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm